Ҳамкории Русия бо дували ҷаҳони эронизабон дар иртиботи таҳкими амнияти байналхалқӣ

Муаллиф вазъи байналхалқиро дар минтақаи Шарқи Наздик, гузаштаи таърихии он, мавқеи Русияю Эрон дар ин минтақа, нуқтаҳои тамоми манфиатҳои  ду давлат ва имкони ба миён омадани иттиҳоди Эрону  Русияро мавриди таҳлил қарор додааст. Вазифаҳои  асосии мақола гузаронидани мониторинги вазъи ҳарбию  сиёсӣ дар минтақаи  Шарқи Наздик, мавқеи акторҳои ҷиддии ин минтақа, вазъи субминтақаҳо чун низоми томи  Шарқи Наздику Миёна ва  олами форсизабонон мебошад.  Мақсади асосии мақола ошкор сохтани омилҳои таъсиркунанда ва нуқтаҳои тамоси манфиатҳои Русияю Эрон дар соҳаи амнияти байналхалқӣ мебошад. Муҳиммияти мавзўи мазкур аз он чо бармеояд, ки  тамоюли аз олами беруна  дар инзиво қарор додани Русияю Эрон барои ин давлатҳо аҳамияти мухталиф дорад. Дар шароити ба миён  омада Русияю Эрон барои ҳамдигар аҳамияти вижа пайдо  мекунанд ва, дар ин маврид, Эрон метавонад барои Русия дар муносибат бо Ғарб миёнрав шавад, чи хеле ки як вақтҳо  ин корро барои Эрон Русия иҷро менамуд.