Нақш ва аҳамияти соҳаи хизмати маишӣ дар баланд бардоштани сатҳи иштиғоли аҳолӣ

Дар мақолаи мазкур нақш ва аҳамияти соҳаи хизматрасонии маишӣ дар бобати паст намудани сатҳи бекорӣ дар шароити Ҷумҳурии Тоҷикистон тадқиқ шудааст. Тавассути таҳлили бозори меҳнат ва ҳолати соҳаи хизматрасонии маишӣ дар Ҷумҳурии Тоҷикистон, чораҳои асосӣ оид ба истифодаи захираҳои соҳаи хизмат­расонии маишӣ дар  баланд  бардоштани сатҳи шуғли аҳолӣ  муайян карда шудаанд. Муқаррар гардидааст, ки амалӣ намудани имкониятҳои соҳаи хизматрасониҳои маишӣ ба тавсеаи навъҳои хизматрасонӣ, баланд бардоштани сифати пешниҳоди хизматрасониҳо; ҷалби воситаҳои шахсии аҳолӣ барои ташкили хизматрасониҳои маишӣ, ҷалби гурўҳҳои алоҳидаи аҳолӣ (соҳибхоназанҳо, нафақахўрон, маъюбон, хонандагон ва ғайра)ба фаъолияти меҳнатӣ; истифодаи босамари имкониятҳои эҷодии одамон; инкишоф додани намудҳои гуногуни касб ва ҳунарҳои халқӣ имконият медиҳад.